duo pusen punyo hal

Oct 2, 2014


den nak tulih entri ni dalam dialek nismilan.
bukan apo, kalau den tak pueh ati atau raso marah.
biaso eh akan terkeluar bahaso nismilan kalau tak pun bahasa omputeh.

tak ado lain la doh.
macam oghang lain jugak la.
rogo minyak naik duo pusen laei malam tadi.
den dah dapek wassap kabar angin potang tu.
den isi la minyak ponuh.
kalau buleh tahan setahun elok gak, tapi hakikek eh, tahan la lobih sehaghi dari biaso.

gaji den nak kato tinggi tak do la.
nak kato rondah amek pun tak jugak.
sodang-sodang elok yo la.
tapi biaso eh yg tongah-tongah ni la selalu jadi mangso.

den tak layak dapek brim.
tapi den kono bayar cukai.
orang dapek brim tak payah bayar cukai doh.

den dapek subsidi minyak, gas, gulo dan lain-lain.
tapi oghang lain pun dapek jugak.
termasuk lah yang kayo.
yg bawak merc, alphard, audi yg ado rumah bosar pun dapek subsidi.

den duduk rumah sodang yo, kono bayar cukai pintu, cukai tanah gak.
duit ansuran rumah laei. ansuran keto, belanjo anak sekolah.

alaa...duo pusen yo.
apo ado hal?
tapi dek duo pusen tu nanti rogo barang naik.
omputeh kato chain effect.

den ni kojo kek kelumpo.
duduk kek nilai.
duit tol laei, duit minyak laei.
nak jimat minyak den pakai keto kocik.
den tak pocut doh, bawak slow yo.
nak bajet punyo pasal.

gomen suruh berjimat.
den tak tau nak jimat tang mano laei dah...

haih...golo dek eh







1 refleksi:

zana-norzana said...

mmmmmm tak tau nak kata apa2 dah...... redho ajerlah